Toshkent-Chinoz avtomobil yo‘li va poytaxtdagi Temur Malik ko‘chasi ta’mirlanadi

Prezident dushanba kuni Toshkent va Jizzax viloyatlari hamda poytaxtda avtomobil yo‘llarini ta’mirlashga oid loyihalar bilan tanishdi. Unga ko‘ra, «Toshkent-Chinoz» avtomobil yo‘lining 10 km qismini ta’mirlab, 5 dona yerosti o‘tish yo‘lagini bunyod etish, Jizzax shahridagi O‘zbekiston ko‘chasida 210 metrli yo‘l o‘tkazgich barpo etish, qolaversa, Toshkentdagi Temur Malik ko‘chasini 6 tasmali etib qayta qurish rejalashtirilmoqda.